الدولة : المدينة : بنغازي مفتاح المدينة : +218 عدد المساهمات : 45 نقاط : 5472 تاريخ التسجيل : 07/10/2009 الهواية : المهنة : الموقع : http://www.bashasha.net العمل/الترفيه : حـــــاســـوب
موضوع: تعلم كيف تحسب وزنك المثالى الجمعة أكتوبر 09, 2009 5:07 am
عشان تعرف وزنك المثالى او الوزن الصحى اللى لازم تكون عليه واللى حيجنبك امراض واجد لازم تتبع طريقة مثبته علميا انها صح , فى ناس واجد تحط رقم اقل بواجد من المفروض انه تكون عليه وهدا اخطر من الزيادة نفسها لانه ضعف وزن الجسم فى اخطر الحالات يمكن انه يسبب خسارة فى كمية البروتين المخزنة فى الجسم او حتى نقص فى فيتامينات ومعادن مستحيل يقدر الجسم انه يكمل وظائفة بشكل طبيعى من دونها وهدا منبعدها يسبب الوفاة ... لهالسبب جبت معادلة طبية اسمها (Body mass index) موثوقة وساهلة جدا عشان تحسب هل انت فوق او تحت المعدل الطبيعى . المعادلة هى = ( الوزن الحالى بالكيلوجرام / (الطول بالمتر)2 ) ملاحظة : رقم 2 هو تربيع الطول
مثال : شخص وزنه 70 تقريباً و طولي 1.73 متر فالعمليه كالتالي : (1.73/70)2) = 23.4 تقريباً
بعدها الرقم اللى يطلعلك هدا شوفه فى التقسيمات هدينا :
إذا كان الناتج أقل من 18.5 فالوزن أقل من الطبيعي إذا كان الناتج من 18.5 إلى 24.9 فالوزن ملائم جداً للطول إذا كان الناتج من 25 إلى 29.9 فهذا زيادة في الوزن إذا كان الناتج من 30 إلى 39.9 فهذا يعتبر سمنه إذا كان الناتج أكثر من 40 فهذا يعتبر سمنه مفرطه
باهى حد يجى يقولى مثلا انا طلع وزنى زائد كم سعرة حرارية لازملى انا يوميا عشان نخسر وزن , اكيد حتى هذه لها معادلة طبية بس قبل ما تحسبها لازم انصنفوا نشاط الجسم فى اليوم كيف هو وهدينا التقسيمات :
1_ نشاط ساكن : ( دائم الجلوس ): يقدر بحوالي 20-40% من معدل الأيض القاعدي مثل : الطباعة على الآلة - قيادة السيارة - الجلوس على المكتب ... وما يماثلها . قيمتها في المعادلة 1.3 سعر لكل غم من الوزن..
2_ نشاط خفيف : يقدر بحوالي 55-60% من معدل الأيض القاعدي مثل : التدريس - المشي البسيط - أداء الأعمال المنزلية ... وما يماثلها . قيمتها في المعادلة 1.4 سعر لكل غم من الوزن..
3- نشاط متوسط : يقدر بحوالي 70-75% من معدل الأيض القاعدي مثل : التدريس الطويل - أعمال التمريض - المشي السريع ... وما يماثلها . قيمتها في المعادلة 1.5 سعر لكل غم من الوزن..
4_ نشاط شاق : ويقدر بحوالي 80-100% من معدل الأيض القاعدي مثل : أعمال الحفر والبناء - الجري السريع - السباحة - لعب كرة القدم ... وما يماثلها . قيمتها في المعادلة 1.6 سعر لكل غم من الوزن..
نجوا للمعادلة بعد ماتحدد انت اى واحد من الاربع تصنيفات هدينا :
عدد السعرات اللازمه يوميا = الوزن× 24 ساعه × معدل النشاط اليومى
مثال : رجل وزنه 70 كيلو جرام وهو دائما الجلوس بالمكتب كم يحتاج من السعرات الحراريه ؟
70 × 24 × 1.3= 2184 سعر حراري في اليوم.
بس هده هى القصة , انشاء الله مانكونش شرحتها بطريقة مخربطة عشان تستفيدوا منها .